ગીરમાં સિંહના ટોળાએ ૧૦૮નો રસ્તો રોકતા એમ્બ્યુલન્સમાં જ કરાવી યુવતીની પ્રસૂતિ

197

ગીર ગઢડા
એશિયાટિક સિંહો માટે જાણીતા ગીરના જંગલથી એક અનોખી ઘટન સામે આવી છે. આ ઘટના વાંચીને તમે પણ અંચબિત થઈ જશો. જિલ્લાના ગીર ગઢડામાં રસ્તા પર સિંહનું ટોળું હોવાથી ગર્ભવતી યુવતીને લઈને જતી ૧૦૮ એમ્બ્યુલન્સ અટવાઇ પડી હતી. જેને કારણે યુવતીને એમ્બ્યુલન્સમાં જ પ્રસૂતિ કરાવવી પડી હતી. મળતી વિગતો પ્રમાણે ગીર ગઢડાની ૧૦૮ એમ્બ્યુલન્સને રાત્રે ૧૦ઃ૨૦ તાલુકાના ભાખા ગામથી ૩૦ વર્ષીય અફસાનાબેનને પ્રસૂતિની પીડા માટે કોલ આવ્યો હતો. આ પછી ગીર ગઢડાની ૧૦૮ તે પ્રસૂતાને લેવા જતા હતા અને ત્યાંથી લઈને એમને ગીર ગઢડાની સરકારી દવાખાને જવાનું હતું. અચાનક જ રસુલપરા પાટિયા પાસે પહોચ્યા ત્યાં રસ્તામાં ૪ સિંહનું ટોળું બેઠું હતું.

જેને કારણે ૧૦૮ એમ્બ્યુલન્સ ત્યાં જ રોકવી પડી હતી અને અંદર પ્રસુતિની પીડાવાળા દર્દીને દુઃખાવો વધવા લાગ્યો અને ૧૦૮માં અંદર રહેલા ઇમરજન્સી સ્ટાફ ઇએમટી જગદીશભાઈ મકવાણા અને પાઇલોટ ભરત ભાઈ આહીર દ્વારા એમ્બ્યુલન્સમાં ડિલિવરી જ કરાવી દીધી હતી અને બેબીનો જન્મ થયો હતો. માતા અને બાળકને એમ્બ્યુલન્સમા જરૂરી સારવાર આપી હતી અને ત્યાર બાદ પણ તે ૪ સિંહનું ટોળું ત્યાં જ રોડ પર હતું અને એમ્બ્યુલન્સ ફરતે આંટા મારતા હતા. ૨૦ મિનિટ બાદ તે સિંહનું ટોળું સાઈડમાં જતું રહ્યું અને દર્દીને ગીર ગઢડા હોસ્પિટલ ખાતે સલામત રીતે લઈ જવામાં આવ્યા હતા.

Share This: