કચ્છમાં રશિયાથી આવેલા ૧૨ વિદ્યાર્થીઓ ક્વોરન્ટાઈન હેઠળ

321

કચ્છ
કચ્છમાં વિદેશથી પરત ફરેલા સૌથી વધુ એનઆરઆઇ ભુજના માધાપરમાં આવ્યા છે. જેને લઈને આરોગ્ય વિભાગ દ્વાર ખાસ તકેદારીના પગલાં રૂપે તમામ લોકોને ક્વોરેન્ટાઈન કરી સતત મોનીટરીંગ કરવામાં આવી રહ્યું છે. દરરોજમાં રહેલા લોકોની આરોગ્ય વિભાગ દ્વારા ચકાસણી પણ કરવામાં આવે છે.

ઉલ્લેખનીય છે કે, કચ્છમાં કોરોના પોઝિટિવ કેસ આવતા જિલ્લામાં લોકડાઉનની સ્થિતિ લાગુ કરી દેવાઈ છે. તેવામાં વિદેશથી આવતા ભારતીયો માટે માધાપરના યક્ષ મંદિરમાં ક્વોરેન્ટાઈનની વ્યવસ્થા પણ ગોઠવવામાં આવી છે. જણાવી દઈએ કે, કચ્છમાં રશિયાથી તબીબી અભ્યાસના ૧૨ વિદ્યાર્થીઓ આવ્યા છે. જેમને હાલ ભુજ તાલુકાના માધાપરમાં આવેલા યક્ષ મંદિરના ગેસ્ટરૂમમાં ઓબ્ઝર્વેશનમાં રાખવામાં આવ્યા છે.

આ વિદ્યાર્થીઓની ૧૪ દિવસ સુધી દરરોજ બે વખત આરોગ્ય તપાસ પણ કરવામાં આવી રહી છે. તદ્‌ઉપરાંત રશિયાથી પરત આવેલા ૯ થી વધુ વિદ્યાર્થીને યક્ષ મંદિર ખાતે ક્વોરન્ટાઈન કરવામાં આવ્યા છે. તેમનું પણ સતત મોનીટરીંગ કરવામાં આવી રહ્યું છે.ખાસ તો, કચ્છના આરોગ્ય વિભાગની નિર્ણાયક કામગીરીના કારણે કચ્છમાં કોરોનાના કેસમાં કોઈ વધારો નથી થયો. અત્યાર સુધીમાં ૧૭ શંકાસ્પદ કેસો નોંધાયા છે. જે પૈકી ૧૬ નેગેટિવ અને ૧ પોઝિટિવ કેસ છે.

Share This: